मुसिकोटमा रक्तदान कार्यक्रम
64x64
२०८० असोज ०३ बुधबार प्रेसपालिका संवाददाता
300 Views

रुकुम पश्चिम ३, असोज ।
रुकुम पश्चिमको मुसिकोटमा संविधान दिवसको अवसर पारेर आज रक्तदान कार्यक्रम आयोजना गरिएको छ । एचडिसिएस चौरजहारी, रेडक्रस सोसाइटी जिल्ला शाखा र चौरजहारी उपशाखाको प्राविधिक सहयोग तथा नेपाल पत्रकार महासंघ रुकुम पश्चिम शाखाको आयोजनामा रक्तदान कार्यक्रम आयोजना गरिएको हो ।

पत्रकार महासंघका अध्यक्ष लक्ष्मण केसीका अनुसार रक्तदान नै जीवन दान भएकाले दिवसको अवसरमा रक्तदान कार्यक्रम आयोजना गरिएको छ । कार्यक्रममा १७ जनाने रक्तदान गरेका छन् । जिल्ला  स्थित क्रियाशिल पत्रकार, सुरक्षा निकायकाय प्रमुख, सरोकारवाला निकाय र इच्छुक व्यक्तिले रक्तदानमा सहभागिता जनाएका हुन् । यसबाट कुनैपनि बेला जिल्लामा रगत अभाव हुँदा आवश्यक परेका व्यक्तिलाई रगत उपलब्ध गराइने छ ।

त्यस्तै रक्तदानबाट संकलन गरिएको रगत प्रदेश अस्पताल सुर्खेतको सहजीकरणमा जिल्ला बाहिर समेत पठाउन सकिने बताइएको छ । जिल्लामा हाल प्रयाप्त मात्रामा ब्लड बैंक नहुँदा आवश्यक परेको अवस्थामा तत्काल ब्लडको व्यवस्था गर्न समस्या हुने गरेको छ ।

देशले इतिहासमै प्रथम पटक जनप्रतिनिधि सम्मिलित संविधानसभाबाट २०७२ साल असोज ३ गते अर्थात् आजकै दिन नेपालमा संविधान प्राप्त गरेको थियो । यसैको विशेष उपलक्ष्यमा पत्रकार महासंघले रक्तदान कार्यक्रमको आयोजना गरेको जानकारी दिएको छ ।

Subscribe
Notify of
guest
0 Comments
Inline Feedbacks
View all comments

Flash News