रुकुम पश्चिम २६, भदौ ।
हृदयघातका कारण नेकपा एमालेका उपाध्यक्ष सुवास नेम्वाङको निधन भएको छ । शिक्षण अस्पताल महाराजगञ्जमा उपचारको क्रममा आज बिहान १: ३० बजे उहाँको निधन भएको हो ।
सामान्य रुघाखोकी लागेर घरमा आराम गरिरहेका नेम्वाङलाई एक्कासी हृदयघात भएको बताइएको छ ।
नेम्वाङ नेपाली राजनीतिमा एक कुशल नेताका रुपमा परिचित हुनुहुन्थ्यो । पूर्व संविधानसभा अध्यक्ष समेत रहनुभएका नेम्वाङको जन्म २००९ साल फागुन २८ गते इलामको सुन्तलाबारीमा भएको थियो ।
