बाढीले बगाउँदा दुई बालबालिकाको मृत्यु
64x64
२०८० भाद्र १८ सोमबार प्रेसपालिका संवाददाता
1453 Views

रुकुम पश्चिम १८, भदौ ।
रुकुम पश्चिमको चौरजहारीमा बाढीले बगाउँदा एकै घरका दुई बालबालिकाको मृत्यु भएको छ । आइतबार हावाहुरी सङ्गै परेको पानीका कारण स्थानीय न्याउला खोलामा आएको बाढीले बगाउँदा दुई बालबालिकाको मृत्यु भएको हो ।

मृत्यु हुनेमा चौरजहारी नगरपालिका वडानम्बर -६, घर्तीकाँडाका ८ वर्षीय मनोज बुढाथोकी र ४ वर्षीया  भावना बुढाथोकी रहेका छन् । मृतक दुइ बालबालिका एकै घरका दाजु बहिनी हुन् ।

आधारभूत बिद्यालय घर्तीकाँडाबाट घर फर्किने क्रममा दाजु बहिनीलाई बाढीले बगाएर मृत्यु भएको प्रहरीको भनाइ छ ।

यसैबीच आइतबारको हावाहुरीले जिल्लाका अधिकांश किसानको मकै खेतीमा ठूलो क्षति गरेको छ । पाक्नै लागेको मकै बाली नष्ट हुँदा किसान चिन्तित बनेका छन् ।

Subscribe
Notify of
guest
0 Comments
Inline Feedbacks
View all comments

Flash News