निराजन सिर्पाली
रुकुम पूर्व १२, भदौ ।
रुकुम पूर्वमा फेला परेको बम डिस्पोज गरिएकाे छ । मंगलबार बिहान रुकुम पूर्वकाे सदरमुकाम सिस्ने गाउँपालिका वडानम्बर -५, मा रहेको नेपाल टेलिकमकाे टावर नजिकैको सामुदायिक वनमा स्थानीय तथा पूर्व रिटायर नेपाली सेना चन्द्र बहादुर थापले शंकास्पद वस्तु देखेपछि प्रहरीलाई उक्त बिषयमा जानकारी गराउनुभएकाे थियाे ।
साेही अनुसार नेपाली सेना, शस्त्र प्रहरी बल र जिल्ला प्रहरी कार्यालय रुकुम पूर्वकाे संयुक्त पहलमा तालिम प्राप्त नेपाली सेनाको डिस्पोजल टिमले सो बम डिस्पोज गरेको जिल्ला प्रहरी कार्यालय रुकुम पूर्वका प्रहरी निरीक्षक तथा सूचना अधिकारी गणेश पाण्डेले जानकारी दिनुभएको छ ।
त्यस्तै उहाँले उक्त बम पूर्व नेपाली सेनाका सदस्यले देखेकाले मात्रै थाहा भएको, नत्र सामान्य मान्छेले देखेको भए याे कुरा थाहा नहुने बताउनुभएको छ ।
प्रहरीका अनुसार बम कसले र कहिले राख्यो भन्नेबारे नखुलेको बताइएको छ । तर बममा खिया लागेको र धेरै पुरानो जस्तो देखिएकाले जनयुद्धको समयमा बिद्रोही वा राज्य पक्षकाे हुन सक्ने आसंका गरिएको छ ।
