रुकुम पश्चिम ८, भदौ ।
प्रेस सेन्टर नेपाल आठविसकोट नगर समितिको दोस्रो साधारणसभा सम्पन्न भएको छ । शुक्रबार राडीमा सम्पन्न साधारण सभाले प्रेम कुसारीको अध्यक्षतामा ८ सदस्यीय नयाँ नगर समिति चयन गरेको छ ।
जसको सचिवमा ईतिहास परियार र कोषाध्यक्ष सुमीना पुन चयन भएका छन् ।
सदस्यमा सन्तोष के सी, हरि बहादुर केसी ,हिमाली बुढा, रेश्मा विक र आशा विक रहेका छन् ।
निवर्तमान अध्यक्ष सत्य बटालाको अध्यक्षतामा भएको साधारण सभामा संगठनका केन्द्रीय सदस्य मेगराज खड्काको प्रमुख आतिथ्यता रहेको थियो ।
त्यस्तै नेकपा माओवादी केन्द्र प्रदेश समिति सदस्य रबि केसी, नेकपा माओवादी केन्द्र आठबिसकोट नगर ईन्चार्ज जनक बटाला, नगर सचिव मनराज बटाला, प्रेस सेन्टर नेपाल प्रदेश समिति कोषाध्यक्ष गोपाल प्रसाद रेग्मी, प्रदेश सदस्य अर्जुन विष्ट, प्रेस सेन्टर नेपाल जिल्ला समन्वय समिति अध्यक्ष देव कुमार ओली, बाँफीकोट गाउँपालिका अध्यक्ष प्रचण्ड खत्री लगायतको पनि आतिथ्यता रहेको थियो ।
