रुकुम पश्चिम ५, भदौ ।
रुकुम पश्चिमको मुसिकोट नगरपालिकामा मानसिक स्वास्थ्य सम्बन्धी स्वास्थ्य शिविर सम्पन्न भएको छ । मुसिकोट नगरपालिका वडानम्बर -७, को साँखमा १ दिने शिविर सम्पन्न भएको हो ।
सिबिएम ग्लोबलको आर्थिक सहयोग तथा कर्णाली मानसिक स्वास्थ्य अन्तर्गत सिएमसि नेपाल र मुसिकोट नगरपालिकाको साझेदारीमा १ दिने मनोसामाजिक स्वास्थ्य शिविर सम्पन्न भएको छ । शिविर बाट मुसिकोट नगरपालिका अन्तर्गत ६, ७, ८, ९ र १० नम्बर वडाका मानसिक स्वास्थ्य सम्बन्धी समस्या भएका ४३ जना बिरामीले सेवा लिएको सामुदायिक मनोसामाजिक कार्यकर्ता सर्बजित खड्काले जानकारी दिनुभएको छ ।
खड्काका अनुसार यही भदौ ५ गते मुसिकोट नगरपालिका वडानम्बर -११, को भलाक्चा र ६ गते नगरको १४ नम्बर वडाको छिवाङमा शिविर राखिएको छ ।
शिविरमा मानसिक रोग विशेषज्ञ डा. लिला देवकोटा, मानसिक स्वास्थ्य सुपरभाईजर सुनिता मल्ल मुसिकोट नगरपालिकाका जनस्वास्थ्य निरीक्षक बेदराम ओली लगायत स्वास्थ्यकर्मीको टोलीले सेवा दिईरहेको छ ।
वडानम्बर -७, को शिविर उद्घाटन नगरप्रमुख महेन्द्र केसीले गर्नुभएको थियो । शिविरमा वडाध्यक्ष एक्क बहादुर पाण्डेको अध्यक्षता रहेको बताइएको छ ।
त्यस्तै बाकी वडाको शिविर उद्घाटन पनि नगरप्रमुख केसीले नै गर्ने जानकारी दिइएको छ ।
