हराएको तीन साता सम्म भेटिएनन् रुकुम पूर्वका एक युवक
64x64
२०८० भाद्र ०४ सोमबार प्रेसपालिका संवाददाता
265 Views

निराजन सिर्पाली
रुकुम पूर्व ४, भदौ ।
रुकुम पूर्वका एक युवक हराएको झण्डै तीन साता सम्म पनि भेटिएका छैनन् । जिल्लाकाे सिस्ने गाउँपालिका वडानम्बर -४, दादिङका ३१ वर्षीय  रमेश घर्ती हराएको करिब १९/२० दिन सम्म नभेटिएकाे उहाँकी आमा मनकुमारी घर्तीले जानकारी दिनुभएको छ ।

घर्ती यस अगाडि करिब ५ वर्ष वैदेशिक राेजगारका लागि दुबईमा हुनुहुन्थ्यो । घर परिवारका अनुसार घर्ती दुबईबाट घर फर्किए पनि बिच बाटाेबाटै घर नपुगेर सम्पर्क बिहिन भएको बताइएको छ ।

आमा मनकुमारीले भन्नुभयो, `घर आउने भनेर सिस्ने -४, कै असारे चिउरा भन्ने ठाउँमा बास बसेकाे भन्ने खबर पायौं तर घर आएन । त्यस पछि धेरै ठाउँहरुमा खाेज्दा पनि भेटाउन सकेनौं । छाेरालाइ नभेटे पछि जिल्ला प्रहरी कार्यालय रुकुम पूर्वमा छाेरा खाेजि दिन आग्रह गरियो तर अझै पनि केही अत्तोपत्तो छैन ।´

पछिल्लो समय दादिङमा मान्छे हराउने क्रम बढ्दो अबस्थामा  रहेकाे छ । याे दुई तीन महिनाकाे बिचमा दादिङ बाट ३ जना र गएको आर्थिक वर्षमा २ जना गरि ५ जान व्यक्त हराएका छन् । जसध्य ३ जनाको भने पहिचान भई सकेको र एक जनाकाे मृत्युु भएकाे छ । यसमा रमेश घर्तीकाे भने अहिलेसम्म पत्ता लागेको छैन ।

घर्तीकाे परिवारले जाे काेहीले पनि रमेश लाई देखे नजिकैको प्रहरी वा घर परिवारको सम्पर्क नम्बर ९८६६९१९२९६ मा सम्पर्क गरिदिनु हुन अपिल गरेको छ ।

Subscribe
Notify of
guest
0 Comments
Inline Feedbacks
View all comments

Flash News