निराजन सिर्पाली
रुकुम पूर्व २, भदौ ।
रुकुम पूर्वको सिस्ने गाउँपालिका वडानम्वर -८, की एक महिलाको घर पोत्ने क्रममा करेन्ट लागेर मृत्यु भएको छ । वडानम्बर -८, स्यालापाखाकी प्रतिक्षा बुढा पुनको करेन्ट लागेर मृत्यु भएको हो ।
शुक्रबार घर पोत्ने क्रममा करेन्ट लागेर घाईते पुनलाई उपचारका लागि जिल्ला अस्पताल सल्ले रुकुम पश्चिममा लगिएपछि उपचारको क्रममा मृत्यु भएको प्रहरीले जनाएको छ ।
मृतक प्रतिक्षालाई घरको भित्ता पोत्ने क्रममा विद्युत लाईन सट भएर उहाँलाई करेन्ट लागेको बताइएको छ ।
