निराजन सिर्पाली
रुकुम पूर्व १८, साउन ।
रुकुम पूर्वमा जबर्जस्ती करणी कसुर मुद्दाका एक युवक कारागार चलान भएका छन् । जिल्लाको पुथाउत्तरगंगा गाँउपालिका वडानम्बर -५, तल्लो गर स्थित एक १३ वर्षीया बालिकालाई जबरजस्ती करणी गरी फरार रहेका सोहि ठाउँका २२ बर्षीय जिवन गिरीलाई कारागार चलान गरिएको हो ।
२०७८ भदौ २२ गते राति ९ : ३० बजेको समयमा बालिकालाई जबरजस्ती करणी गरी घटना स्थलबाटै उनि फरार भएका थिए । अनुसन्धानको क्रममा जिल्ला प्रहरी कार्यालय रुकुम पूर्वले सुक्ष्म रुपमा खोजतलास गर्ने क्रममा कास्की जिल्लाको पोखरा फूलबारी स्थित डेरमा लुकीछिपी बसेको अबस्थामा प्रहरीले यही असार २४ गते उनलाई पक्राउ हो ।
थप अनुसन्धान पश्चात् रुकुमकोट जिल्ला अदालत रुकुम पूर्वको साउन १६ गतेको पत्र आदेशानुसार दोषी भनिएका गिरीलाई उक्त मुद्धा पूर्पक्षका लागि थुनामा राख्ने आदेश अनुसार बुधबार जिल्ला कारागार रुकुम पश्चिममा पठाईएको सूचना अधिकारी तथा प्रहरी निरीक्षक गणेश पाण्डेले जानकारी दिनुभएको छ ।
