निराजन सिर्पाली
रुकुम पूर्व २८, असार ।
रुकुम पूर्वमा नेकपा (माआवादी केन्द्र) सिस्ने गाउँपालिका गाउँ समितिले पार्टीका सल्लाहकार एवं पार्टी अध्यक्ष प्रधानमन्त्री पुष्पकमल दाहाल प्रचण्ड पत्नी सीता दाहालको निधनप्रती श्रद्धाञ्जली अर्पण तथा शोकसभा गरेकाे छ ।
बिहीबार नेकपा (माआवादी केन्द्र) सिस्ने गाउँपालिका गाउँ समितिले सिस्ने गाउँपालिकाकाे छिप्रिदह स्थित एक कार्यक्रमकाे आयाेजना गर्दै प्रचण्ड पत्नी दाहालको निधनप्रति भावपूर्ण श्रद्धाञ्जली अर्पण तथा शोकसभा गरिएको हाे ।
नेकपा माओवादी केन्द्रका बैकल्पिक केन्द्रीय सदस्य मेघ बहादुर श्रेष्ठको प्रमुख उपस्थितिमा सो शोक सभा तथा भावपूर्ण श्रद्धाञ्जली अर्पण गरिएको छ ।
शोक सभा तथा भावपूर्ण श्रद्धाञ्जली अर्पण कार्यक्रममा बोल्दै बैकल्पिक केन्द्रीय सदस्य श्रेष्ठले सिता दाहालकाे निधनले परिवारलाई मात्र नभई पार्टी र सिङ्गो देशलाई ठूलो क्षति भएको बताउनुभएको छ ।
त्यस्तै उहाँले देशकाे नेतृत्व गर्ने व्यक्तिको श्रीमती भएर पनि कहिल्यै शक्ति र सत्ताको आडमा देश र जनतालाई क्षति पुग्ने गरि तथा दुख दिने काम नगरेको बताउँदै सबै राजनीतिक दलका शिर्ष नेताले उहाँको जीवनबाट असल गुण सिक्नुपर्ने बताउनुभएको छ ।
उक्त शोकसभा तथा श्रद्धाञ्जली अर्पण कार्यक्रममा नेकपा (माओवादी केन्द्र) का बैकल्पिक केन्द्रीय सदस्य श्रेष्ठ, नेकपा (माओवादी केन्द्र) लुम्बिनी प्रदेश समिति सदस्य तिर्था पुन, पार्टीका सिस्ने गाउँ समिति इन्चार्ज कृष्ण रेग्मी, सिस्ने गाउँ समिति उपाध्यक्ष गाेवर्धन बुढा लगायतको उपस्थिति रहेको थियो ।
प्रचण्ड पत्नी दाहालको बुधबार बिहान उपचारको सिलसिलामा काठमाडौ स्थित नर्भिक अस्पतालमा निधन भएको हो ।
