रुकुम पश्चिम २६, असार ।
जन्मदिनको अवसर पारेर डा. राजकुमार भुजेलले पत्रकारलाई दुर्घटना बिमा र विद्यालयको कोषमा आर्थिक सहयोग गर्नुभएको छ । धादिङ घर भई रुकुम पश्चिमलाई कर्मथलो बनाउनुभएका डाक्टर भुजेलले प्रेस सेन्टर रूकुम पश्चिममा आबद्ध १३ जना पत्रकार र आफ्नो गाउँको माध्यमिक विद्यालयमा रहेको बाल शिक्षा कोषमा सहयोग गर्नुभएको हो ।
प्रेस सेन्टर रूकुम पश्चिमका १३ जना पत्रकारलाई २ लाख ५० हजार बराबरको दुर्घटना बिमा र गाउँको बाल शिक्षा कोषमा २० हजार रूपैयाँ सहयोग गर्नुभएको छ । लामो समय जिल्ला अस्पताल सल्लेमा सेवा गर्नुभएका डाक्टर भुजेल विगत २ वर्ष देखि जिल्ला सदरमुकाम खलंगाको बागबजारमा खलंगा सिटी अस्पताल संचालन गर्दै आउनुभएको छ ।
सामाजिक उत्तरदायित्व अन्तर्गत जन्मदिन मनाउने खर्चलाई कटाएर सामाजिक काममा गर्च गरेको डाक्टर भुजेलले बताउनुभएको छ ।
