ईतिहास परियार
रुकुम पश्चिम १७, असार ।
रुकुम पश्चिमको आठविसकोट नगरपालिका वडानम्बर -३, की एक सुत्केरी महिलाई आज हेलिकोप्टरबाट उद्दार गरिएको छ । सुत्केरी व्यथाका कारण अवस्था जटिल बन्दै गएपछि २१ वर्षीया मनिषा शाहीलाई हेलिकोप्टरबाट सुर्खेत लगिएको हो ।
स्यालाखदी स्वास्थ्य चाैकीमा शनिबार भर्ना भएकी शाहीलाई आठबिसकोट नगरपालिका र जिल्ला प्रशासन कार्यालयको सहयोगमा सुर्खेत लगिएको वडाध्यक्ष केशरमान विकले बताउनुभएको छ । उहाँका अनुसार जिल्ला प्रशासन कार्यालयकाे सिफारिसमा राष्ट्रपति महिला उथान कार्यक्रम मार्फत हेलिकोप्टरबाट उद्दार गरिएको छ ।
स्वास्थ्य चौकी स्यालाखदीमा भर्ना भएकी शाहीको प्रसव अवस्था जटिल बन्दा हेलिकोप्टर माग गरेर सुर्खेत अस्पताल लगिएको हो । अहिले उनको अवस्था सामान्य रहेको शाहीका श्रीमान नर बहादुर बोहराले जानकारी दिनुभएको छ ।
