रुकुम पश्चिममा धान दिवस मनाइयो
64x64
२०८० असार १५ शुक्रबार प्रेसपालिका संवाददाता
1584 Views

रुकुम पश्चिम १५, असार ।
रुकुम पश्चिममा आज विविध कार्यक्रम गरी २०औं राष्ट्रिय धान दिवस मनाइएको छ । जलवायु अनुकूलित कृषक मैत्री प्रविधि, धान उत्पादनमा वृद्धि  भन्ने राष्ट्रिय नाराका साथ दिवस मनाइएको हो ।

कृषि विकास कार्यालय रुकुम पश्चिमको आयोजना तथा बहुबाली ताजा तरकारी बीउ उत्पादन सहकारी संस्था र चेतनशील बहुउद्देशीय सहकारी संस्था मुसिकोट नगरपालिका -३ को सह-आयोजनामा  मुसिकोट नगरपालिका वडानम्बर -३, को माछ्मी ज्यूलामा धान दिवस मनाईएको छ ।

किसानको मनोबल उच्च राखी उनीहरूको श्रमको सम्मान गर्ने उद्देश्यले धान दिवस मनाउने गरिएको कृषि विकास कार्यालय रुकुम पश्चिमका निमित्त कार्यालय प्रमुख मिन बहादुर केसीले जानकारी दिनुभएको छ ।

मानो रोपेर मुरी फलाउने दिनका रूपमा यस दिन अधिकांश स्थानमा रोपाई गरी धान दिवस मनाउने गरिन्छ । दिवसको अवसरमा विभिन्न कार्यक्रमको आयोजना पनि गरिएको छ । जनप्रतिनिधि र कर्मचारी बिच डोरी तान्ने, दौड, लगायतका कार्यक्रमहरु पनि सम्पन्न गरिएको छ ।

त्यस्तै जिल्लाको आठबिसकोट नगरपालिका, चौरजहारी लगायतका पालिकाले पनि विविध  कार्यक्रम गरि धान दिवस मनाएका छन् ।

Subscribe
Notify of
guest
0 Comments
Inline Feedbacks
View all comments

Flash News