रुकुम पश्चिम ५, असार ।
रुकुम पश्चिमको आठविसकोट नगरपालिका वडानम्बर -७, ले मंगलबार विद्यार्थीलाई शैक्षिक सामग्री वितरण गरेको छ । वडाको जनज्योति आधारभुत विद्यालय डाँफे र भानुभक्त आधारभुत विद्यालयमा अध्ययनरत विद्यार्थीलाई शैक्षिक सामग्री वितरण गरिएको हो ।
नगरप्रमुख रबि केसी मार्फत जनज्योति आधारभुत विद्यालय डाँफेमा अध्ययनरत १ सय २९ जना र भानुभक्त आधारभुत विद्यालयमा अध्ययनरत ७५ विद्यार्थीलाई झोला, कापी, कलम वितरण गरिएको वडा अध्यक्ष अमृत बुढाले जानकारी दिनुभएको छ ।
जनज्योति आधारभुत विद्यालय डाँफेका बालविकास विद्यार्थीलाई झोला, २५ वटा कापी र १२ वटा कलम वितरण गरिएको छ । त्यस्तै कक्षा १ मा अध्यनरत विद्यार्थीलाई ४० वटा कापी, २४ वटा कलम, कक्षा २ मा ४० वटा कापी, २४ वटा कलम, कक्षा ३ मा ४० वटा कापी, २४ वटा कलम र सम्पुर्ण विद्यार्थीलाई १/१ वटा झोला वितरण गरिएको वडा अध्यक्ष बुढाले बताउनुभएको छ ।
त्यस्तै कक्षा ४ मा ५० वटा कापी, २४ कलम र कक्षा ५ मा ५० वटा कापी २४ वटा कलम र झोला वितरण गरिएको छ ।
त्यस्तै कक्षा ३ सम्म संचालित भानुभक्त आधारभुत विद्यालय औलीगाउँले वडा कार्यालय मार्फत वितरण भएका निशुल्क झोला, कापी कलम संगै विद्यालय व्यवस्थापन समितिले निशुल्क स्कुल पोशाक पनि वितरण गरेको छ ।
बालविकासमा अध्यनरत विद्यार्थीलाई १ झोला, २५ वटा कापी, १२ वटा कलम, कक्षा १ देखि कक्षा ३ सम्मका विद्यार्थीलाई झोला १ वटा ४० वटा कापी, २४ वटा कलम र सबै विद्यार्थीलाई १/१ जोडा स्कुल पोशाक वितरण गरिएको छ ।
शैक्षिक सामाग्री वितरण गर्दै नगर प्रमुख रबि केसीले नगरका १४ वडा मध्ये यस्तो महत्त्वपूर्ण काम गर्ने पहिलो वडा ७ नम्बर वडा भएको बताउनुभएको छ । आर्थिक रुपमा समानान्तर कायम गरि एकरुपताको लागि वडा कार्यालयले झोला, कापी र कलम वितरण गरेको भन्दै वडा सरकारले उदाहरणीय काम गरेको र यस्तै कार्यक्रम आगामी दिनमा नगरपालिकाका सबै वडाका विद्यालयमा लागु गर्ने प्रतिबद्धता व्यक्त गर्दै प्रमुख केसीले महत्तवपूर्ण कार्यक्रमको लागि वडा सरकारलाई धन्यवाद दिनुभएको छ ।
