रुकुम पश्चिम -१९, बैशाख ।
जिल्ला प्रशासन कार्यालय रुकुम पश्चिमले अनुचित लेनदेन (मिटर व्याजी) पीडितका लागि उजुरी दिन आह्वान गरेको छ । रुकुम पश्चिममा सञ्चालनमा रहेका अनुचित लेनदेन (मिटर व्याजी) पीडितले आफ्नो प्रमाण सहित जिल्ला प्रशासन कार्यालयमा सम्पर्क गर्न आग्रह गरेको हो ।
पीडितहरूले यही वैशाख १७ देखि २५ गते सम्म जिल्ला प्रशासन कार्यालयका कर्मचारीहरूको सहयोगमा निःशुल्क फाराम भर्न सक्ने सहायक प्रमुख जिल्ला अधिकारी प्रवेश बढुवालले जानकारी दिनुभएको छ ।
उहाँका अनुसार मिटर व्याजी पीडितलाई सकेसम्म सबुद प्रमाण खुल्ने गरि फाराम पेश गर्न आग्रह गरिएको छ ।
