रुकुम पश्चिम १५, बैशाख ।
रुकुम पश्चिमको त्रिवेणी गाउँपालिकाका किसानलाई बाख्रा वितरण गरिएको छ । सामरिटन पस क्यानडाको आर्थिक सहयोग अन्तर्गत दिगोपनाको लागि जीविकोपार्जन कार्यक्रमबाट ४ वटा वडाका किसानलाई बाख्रा वितरण गरिएको हो ।
नेपाल ख्रीष्टिय राहत सेवाका अनुसार गाउँपालिकाको वडानम्बर -३, ४, ६ र ७ का २० जनालाई एक/एक वटा बाख्रा वितरण गरिएको छ । त्यस्तै वडानम्बर -४, को महिला बाख्रापालन समूह र आयआर्जन बाख्रापालन समूहलाई एक/एक वटा बोयर बोका वितरण गरिएको छ ।
तीन दिने आधुनिक तथा व्यावसायिक बाख्रापालन तालिम प्रदान गरेर लाभान्वित किसानलाई बाख्रा र बोका वितरण गरिएको बताइएको छ । गाउँपालिका अध्यक्ष गणेशकुमार केसी, सम्बन्धित वडाध्यक्ष र पशुसेवा प्रमुखको रोहवरमा बाख्रा वितरण गरिएको हो ।
नेपाल ख्रीष्टिय राहत सेवाको आयोजनामा गत बुधबार त्रिवेणी गाउँपालिकाको सभाहल खारानेटामा बाख्रा वितरण थियो ।
