करबगाडमा पुग्यो बिद्युतको केन्द्रीय प्रसारण
64x64
२०८० बैसाख ०२ शनिबार प्रेसपालिका संवाददाता
322 Views

रुकुम पश्चिम २, बैशाख ।
रुकुम पश्चिमको आठबिसकोट नगरपालिका वडानम्बर -५, को सिमबजार देखि वडानम्बर -४, हुँदै  वडानम्बर -६, को करबगाडमा बिद्युतको केन्द्रीय  प्रसारण पुगेको छ । शुक्रबार एक कार्यक्रमका बीच नगरप्रमुख रबी केसीले वडानम्बर -४, को बगेनामा बिजुलीको पोलमा बत्ती बालेर प्रशारण लाईनको उद्धघाटन गर्नुभएको हो ।

चुनावी प्रतिबद्धता अनुसार २ बर्ष भित्र सबै वडाका केन्द्र सम्म केन्द्रीय लाइन बिस्तार र ५ वर्ष भित्र नगरपालिकाका सबै गाउँहरुमा विद्युतिकरणको  काम भैरहेको नगरप्रमुख केसीले जानकारी दिनुभएको छ ।

नगरको वडानम्बर -५, मा बिद्युत बिस्तारको काम अगाडि बढिरहेको र  छिट्टै वडानम्बर -४ र ६ का मुख्य बस्तिहरुमा पनि  विद्युत बिस्तार कार्यलाई अगाडि बढाईने नगरप्रमुख केसीले बत्ताउनुभएको छ ।

यो संगै अब छिमेकी जिल्ला डोल्पामा बिद्धुत  बिस्तारमा पनि सहज हुने छ । बिद्युत पुगे संगै उज्यालो लगायत आर्थिक उन्नतिमा नागरिकलाई सहयोग पुग्ने नगरप्रमुख केसीको भनाइ छ ।

साथै नगर प्रमुख केसीले नगरलाई बिद्युतिकरणमा जोड्न सहयोग गर्ने नेपाल विद्युत प्राधिकरण रुकुम पश्चिम शाखा, आठबिसकोट वितरण शाखा, जनप्रतिनिधिहरु र प्राविधिक टिमलाई धन्यवाद दिनुभएको छ ।

Subscribe
Notify of
guest
0 Comments
Inline Feedbacks
View all comments

Flash News