रुकुम पश्चिम २४, माघ ।
रुकुम पश्चिममा कृषि, पर्यटन, व्यापार तथा सांस्कृतिक महोत्सव सञ्चालन गरिने भएको छ । उद्योग बाणिज्य संघको आयोजनामा आगामी फागुन १८ देखि २८ गते सम्म महोत्सव सञ्चालन गर्न लागिएको हो ।
रूकुम पश्चमको कृषि, जडीवुटी, पर्यटन, उर्जा, संस्कृति, सांस्कृतिक वस्तुहरू आदिको प्रर्दशन तथा प्रचारप्रसार गर्ने उदेश्यले महोत्सवको तयारी गरिएको बाणिज्य संघले बताएको छ । अध्यक्ष पहल बहादुर खड्काले स्थानीय उत्पादनको पहिचान र पर्यटकीय सम्भावना सहित संघको संस्थागत विकासको लक्ष्य राखेर महोत्सव आयोजना गरिएको बताउनुभयो ।
महोत्सवमा स्थानीय तथा राष्ट्रिय कलाकारको बेजोड प्रस्तुति रहने भएको छ । महोत्सव १० दिनसम्म बराहटाकुरा खेलमैदानमा संचालन हुने छ । महोत्सवको सह आयोजक कला संस्कृति पर्यटन प्रवर्द्धन मन्च रहेको छ ।
उद्योग बाणिज्य संघले आज पत्रकार सम्मेलनको आयोजना गरेर महोत्सव संचालन सम्बन्धी जानकारी दिएको हो ।
